Боно, голманот на Мароко, стана национален херој откако успеа да одбрани два пенали во одлучувачката фаза против Нигерија во полуфиналето на Африканскиот куп на нации. Натпреварот заврши 0:0 по продолженијата, а потоа организаторот на првенството, Мароко, триумфираше со 4:2 на пенали, обезбедувајќи пласман во финалето што ќе се игра во недела против Сенегал.
Во втората серија, Боно одбрани лошо изведен пенал од Самуел Чуквуезе, а потоа во четвртата импресивно го неутрализира ударот на Бруно Ониемаечи. Иако топката беше упатена по средината на голот, Боно првично се фокусираше кон левата страна. Голманот на Мароко беше покрај стативата додека топката леташе кон средината, но успеа на чудесен начин да се врати и да го запре ударот.
До кога ќе дишеме отровен воздух!? | Уште еден поткаст
Потоа, Јусеф Ен-Несири го постигна клучниот гол за победа на Мароко, но целата нација го слави Боно, бидејќи со неговите одбрани на пеналите, особено оној вториот, го овозможи ова финале. Снимката од неговата неверојатна одбрана стана хит, а може да ја погледнете ОВДЕ.
Учество во игри на среќа е дозволено за лица со 18+ години. Играј одговорно!