Крајот на 2025 година носи лоши вести за Барселона!

Во последните месеци многу се зборуваше за плановите на Барселона за ново засилување во нападот како замена за Роберт Левандовски. Сепак, информациите кои денес пристигнаа од Шпанија ги оставија навивачите на каталонскиот клуб во незадоволство.

Левандовски се приклучи на Барселона во летото 2022 година од Баерн Минхен, и тоа се покажа како вистински потег бидејќи прикажа одлични настапи во дресот на каталонците.

Меѓутоа, со оглед дека има 37 години, неговата кариера се приближува кон крајот и постои размислување во Барселона за прекинување на соработката со завршувањето на сезоната.

Договорот на Левандовски е до крајот на сезоната и тој би сакал да остане во Барселона уште една година, но раководството на клубот се двоуми дали ќе ја исполни неговата желба, бидејќи сé повеќе се зборува за негово ослободување.

Во претходните месеци честопати се зборуваше за можноста Барса да вложи огромна сума за да донесе млад напаѓач, но во последно време изгледа дека нема да дојде до такво сценарио.

Заминувањето на Левандовски би било клучно финансиски за Барселона бидејќи би отворило значителен простор за платниот список, со оглед на тоа што тој е еден од најплатените играчи во тимот.

Меѓутоа, она што ги разочара навивачите на Барселона е тоа што, долгоочекуваното заминување на Левандовски не би резултирало со доведување на звучно име во нападот.

Иако се шпекулираше за имињата како Жулијан Алварез, Хари Кејн и Ерлинг Халанд, сега веќе е извесно дека тие ќе останат само дел од навивачките соништа.

Барселона се надева дека заминувањето на Левандовски ќе го отвори патот за финансирање на други засилувања, но без нов напаѓач, бидејќи имаат доверба дека Феран Торес може да го оправда своето место како главен напаѓач, нешто што досега добро го прикажуваше.

🚨 𝗡𝗘𝗪: Барселона сериозно размислува да не доведе замена за Роберт Левандовски летово.

Клубот верува дека неговиот наследник е веќе во тимот: Феран Торес!

— @diarioas pic.twitter.com/LKf7IovXCa

— The Touchline | 𝐓 (@TouchlineX) December 28, 2025

Навивачите на Барселона не ја прифаќаат со воодушевување таквата одлука, сметајќи дека Торес е поефикасен како резерва, а не како главна опција и дека дефинитивно им е потребен подобар напаѓач.

Сепак, финансиските проблеми кои го следат клубот веќе со години потврдуваат дека Барселона нема да му понуди нов договор на Левандовски само за да го ослободи буџетот за плати и регистрација на други играчи.

Што се однесува до Левандовски, тој досега оваа сезона постигна осум гола и оствари две асистенции во осумнаесет натпревари.

Од друга страна, Феран Торес за 22 натпревари има постигнато 13 гола и една асистенција, а важен факт е што е и 12 години помлад од Полјакот.