Поранешниот фудбалер на Манчестер Јунајтед и Јувентус, Патрис Евра, се изјасни по повод разрешувањето на Игор Тудор од тренерското место во торинскиот клуб.
„Благодарност за сè, мистер. Но, оваа порака е и за играчите, бидејќи кога тренерот добива отказ, тоа покажува дека не си работел доволно добро на теренот. Тоа ми се случи само еднаш во кариерата и се чувствував ужасно“, изјави Евра.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Французинот истакна дека модерните фудбалери, под влијание на социјалните мрежи, не можат да се споредат со тие од неговата генерација.
„Не сакам да звучам претерано остро кон нив, но ова е нова генерација – TikTok генерација. Не се повеќе само фудбалери, туку и брендови, рапери, инфлуенсери. Ние само јадевме, спиевме и игравме фудбал. Денес тоа веќе не е случај.“
Евра заклучи дека Јувентус изгубил својот автентичен идентитет.
„Клубот е драстично променет, ги изгубија вистинските вредности. Кога дојдов, претседателот Ањели постојано беше со нас, заедно со Недвед, Марота и Паратичи. Сега тоа го нема“, додаде Евра.
Учество во игри на среќа е дозволено за лица со 18+ години. Играј одговорно!