Павел Недвед доби условна казна затвор

СУДИЈКАТА во Рим во понеделникот го прифати барањето за спогодба за признавање на вината од страна на поранешните функционери на Јувентус, меѓу кои е и поранешниот претседател Андреа Ањели, со цел да се разреши случајот на манипулација со финансиски податоци поврзани со нивниот период во италијанскиот фудбалски гигант.

Анна Марија Гавони, судијката на римскиот суд, даде одобрување на спогодбата со казна од една година и осум месеци за Ањели и една година и два месеци за поранешниот потпретседател и освојувач на Златната топка Павел Недвед.

Предвидените затворски казни се условни и нема да се извршуваат, а според италијанскиот закон, таквата спогодба за признавање на вината не подразбира вистинско признавање на вината.

Судијката изрече и парична казна за Јувентус во износ од 156 илјади евра. За еден од обвинетите, поранешниот извршен директор Маурицио Аривабене, случајот на крајот беше отфрлен.