Нови проблеми за Флик: Се повреди уште еден фудбалер на Барселона

Играчот на средината на теренот на Барселона и шпанската репрезентација, Пабло Гави, продолжува да се соочува со проблеми со неговото колено.

Тој го пропушти натпреварот против Рајо Ваљекано поради болка и оток на коленото што претходно го повреди и поради кое беше надвор од терените речиси година дена.

Лекарите на Барса се во голема грижа, особено бидејќи Гави сеуште не е во состојба да направи целосни лекарски прегледи поради отокот.

Младиот фудбалер е изоставен од списокот на селекторот на Шпанија, Луис Де Ла Фуенте, и ќе го пропушти следниот натпревар со Валенсија за викендот.

Ханси Флик е веќе соочен со потешкотии во средниот ред, бидејќи Фермин Лопез и Дани Олмо не се во добра форма за почетокот на сезоната, додека Марк Касадо не ги исполни очекувањата на гостувањето кај Леванте.

Да потсетиме, полесна повреда за време на оваа пауза имаше и Ламин Јамал.