„Бомба“: Веќе се најавува кој би можел да го наследи Хамилтон во Ферари!

Луис Хамилтон со големи надежи премина од Мерцедес во Ферари, но и покрај тоа, во 14 трки не успеа ниту еднаш да се најде на подиумот.

Па поради тоа во Ферари наводно започнале потрага по замена за 40-годишниот Британец, а поранешниот возач и коментатор на Скај, Џони Херберт, открива дека веќе е познато кој ќе го замени.

На местото на Хамилтон во Ферари, треба да дојде Карлос Саинц, кој возеше за Ферари од 2021 до 2024 година, а сега е дел од тимот на Вилијамс. Како што се чини, ниту Саинц, ниту Хамилтон немаат добар резултат во тимовите што ги претставуваат, затоа се очекува Саинц повторно да се врати во Ферари.

Оваа сезона Саинц освои дури 38 бодови помалку од својот тимски колега Алекс Албон, но сепак, во Ферари веруваат дека тој е најсоодветното решение.