Тежок удар за Турција: ЕП одат без најдобриот дефанзивец!

Репрезентацијата на Турција се соочува со голем хендикеп пред Европското првенство и на турнирот на најдобрите нема да може да смета на дефанзивецот Озак Кабак.

Кабак се повреди во пријателскиот натпревар против Италија по што веднаш бил изнесен на носилки од теренот. Првичните најави се дека станува збор за скинати лигаменти и ќе биде надвор од терените до крајот на годината.

Во овој момент тој го носи дресот на Хофенхајм, а во минатото играше и за Ливерпул.

На Европското првенство Турција ќе игра во група со Грузија, Португалија и Чешка. Пред почетокот ќе одиграат и уште еден пријателски натпревар и тоа против Полска.

Во вчерашниот натпревар против Италија погодоци немаше.