Селекторот на Саудиска Арабија, Роберто Манчин влегол во отворен конфликт со четворица стандардни репрезентативци кои одлучиле да кренат побуна против Италијанецот и одбиле да се појават на собирот на националниот тим.
Медиумите во Саудиска Арабија истакнуваат дека Фудбалскиот сојуз застанал зад скапо платениот селектор и за: Наваф Ал-Акиди, Салман Ал-Фарах, Халед Али-Ганам и Ал Хезази ќе бидат суспендирани и парично казнети поради недисциплина и кршење на правилата во сениорската репрезентацијата.
Кој ќе биде новиот шампион, Сити или Арсенал? ↓↓↓
Најлошо поминал неофицијално лидерот на оваа побуна, соиграчот на Кристијано Роналдо од Ал Наср, голманот Ал-Акиди на кого му е изречена петмесечна суспензија од фудбалот, а ќе мора да плати 75.000 евра.
Поради тоа што не се појавиле на првиот собир по елиминацијата од Азискиот куп, Ал-Ганам и Хезаси се суспендирани на еден месец и казнети со 50.000 евра. Најблага казна доби Ал-Фарах кој помина без суспензија, меѓутоа ќе плати 25.000 евра.
Засега прашање е како ќе реагира Манчини по истекот на суспензиите на фудбалерите. Саудиска Арабија во наредниот период ја очекуваат квалификациите за Светското првенство во 2026 година и ситуацијата секако не им оди во корист.
Учество во игри на среќа е дозволено за лица со 18+ години. Играј одговорно!