Барселона го сака „бразилскиот Меси“

16-годишниот Естевао Вилијан кој е дел од тимот на Палмеирас важи за еден од најголемите таленти во Бразил.

Барселона го следи веќе подолго време и сака да го донесе во своите редови, бидејќи е убедена дека станува збор за новата фудбалска ѕвезда.

И покрај тоа што е баран од многу клубови, и тој самиот преферира преселба во Барселона, а во татковината веќе го доби епитетот „бразилскиот Меси“.

„Мојот најголем сон е да играм во Барселона. Ги гледам сите натпревари, уживам, и навивам за тој клуб. Многу се воодушевувам од играчите кои таму се развиваат и се надевам дека и мене ќе ми се случи истото“, изјави Вилијан.