Ужас: Тренер дрогирал и силувал деца од неговиот клуб

Tренерот на фудбалскиот клуб Тенеси Камило, Хуртадо Кампос е обвинет дека дрогирал и силувал најмалку десет момчиња од овој клуб.

Полицијата објави дека во неговиот телефон пронашла фотографии и снимки од децата. Се започнало така што вработени од локален клуб на 22-ри јуни ја контактирале полицијата откако пронашле телефон кој се покажало дека е на тренерот Кампос. Работниците се обиделе да утврдат кој е сопственик на телефонот и тогаш ги виделе снимките од децата.

Кампос бил уапсен уште следниот ден со обвиненија за силување и сексуална злоупотреба на малолетници. Детективните го прегледале телефонот и пронашле уште стотина фотографии и снимки. Полицијата во соопштението додаде и дека Кампос се снимал самиот себе во текот на силувањето на децата, дел од нив биле и без свест.

Сите деца биле помеѓу девет и 17 години. Две жртви на Кампос биле идентификувани и се работи на утврдување на идентитетот на останатите. Се истакнува и дека децата можеби и не знаат дека биле жртви.

На првото рочиште од судењето кое започна во понеделеник, Кампос со кауција од 525.000 долари е пуштен да се брани од слобода.