Велковски го доби Џерард за тренер, а сега соиграч може да му стане Кутињо

Од вчера македонскиот репрезентативец, Дарко Велковски во Ал Етифак за тренер го доби легендарниот Стивен Џерард, а наскоро може да добие и големо име за сиграч.

Поранешната ѕвезда на Ливерпул и Барселона, Фелипе Кутињо би можел да биде нов играч во Ал Етифак. По одличните настапи во Ливерпул, Кутињо во 2017 година се пресели во Барселона, но тогаш неговата кариера тргна во надолна линија и никогаш не ја врати формата со која играше на „Енфилд“.

Информациите се дека „Ал Етифак“ веќе започнал преговори да го доведе Бразилецот и со тоа би продолжил трендот на големи европски имиња кои се селат во оваа држава.

Џерард и Кутињо соработуваа и во Астон Вила, па сега англискиот стратег сака да го има и во Ал Етифак.