Милан во Челзи го најде наследникот на Ибрахимовиќ

Милан е силно заинтересиран за младиот напаѓач на Челзи, Армандо Броја, пренесуваат италијанските медиуми.

Приоритет на Милан следното лето ќе биде доведување на централен напаѓач, а на врвот на списокот е токму Армандо Броја.

21-годишниот напаѓач минатата сезона ја помина на позајмица во Саутемтон каде одигра одлично и го привлече вниманието на „росонерите“.

Оваа сезона е во Челзи, но не добива голема минутажа, па Милан сака да ја искористи ситуацијата и да го доведе на „Сан Сиро“.

Златан Ибрахимовиќ ја игра последната сезона во кариерата, а во Милан веруваат дека Броја може да биде негов наследник.

Њукасл, Вест Хем и Борусија Дортмунд се исто така заинтересирани за напаѓачот, а Челзи за неговата слобода бара 30 милиони евра.

#Milan, c'è #Broja per l'attacco: il punto https://t.co/sPTqhcAGuG

— calciomercato.com (@cmdotcom) September 27, 2022