Де Геа ја презема одговорноста за дебаклот: Поради мене тимот не освои три бода

Чуварот на мрежата на Манчестер Јунајтед, Давид Де Геа ја преземе вината за дебаклот против Брентфорд од 4:0.

Шпанскиот голман направи два кикса по кои домаќините поведоа со 2:0. После натпреварот храбро ја преземе одговорноста за тешкиот пораз.

„Одговорноста е моја, поради мене тимот не освои три бода. После првата и втората грешка беше многу потешка. Мојата прва грешка секако придонесе натпреварот да тргне во надолна линија. Ние требаше да реагираме многу подобро. Тешко се игра после примен гол на таков начин. Ако не беа тие грешки веројатно исходот ќе беше поинаков“, признава Де Геа.