Ливерпул испрати понуда за Асенсио

Ливерпул испратил прва понуда до Реал Мадрид за Марко Асенсио, кој е најголема желба на тренерот Јирген Клоп.

После заминувањето на Садио Мане, Клоп бара уште еден крилен фудбалер, а прва мета е токму Асенсио.

Асенсио е на излезна врата од Реал Мадрид, откако стана јасно дека нема да го продолжи договорот кој истекува следната година.

Шпанецот е во потрага по клуб каде ќе има поголема минутажа, но не е сигурен дека во Ливерпул ќе има главна улога во тимот, бидејќи игра на истата позиција како Салах.

Клоп веќе стапил во контакт со агентот на фудбалерот и ќе се обиде да го убеди да ја прифати понудата.