Конте ја „краде“ големата желба на миланските гиганти

Тотенхем е силно заинтересиран за играчот од средниот ред на Верона, Антонин Барак, пренесуваат италијанските медиуми.

Барак е еден од најдобрите играчи на Верона оваа сезона и веќе има постигнато 10 гола и 4 асистенции, иако е играч за врска.

Чешкиот играч за врска ги воодушеви миланските клубови, но сега во трката се вклучи и Тотенхем.

Конте верува дека идеално ќе се вклопи во неговиот среден ред и сака да го донесе во Тотенхем.

Верона е спремна да го пушти на крајот на сезоната и за неговата слобода бара 20 милиони евра, сума која нема да претставува проблем за „Спарси“.