Гасперини: Го надигравме Манчестер во двата меча

Тренерот на Аталанта, Џанпјеро Гасперини беше разочаран од ремито против Манчестер Јунајтед бидејќи неговиот тим имаше предност до судиското продолжение.

Сепак, Гасперини истакна дека е горд на својот тим кој според него два пати го надиграл Манчестер Јунајтед.

„Беше фантастична вечер и ќе беше уште поубава ако не беше тој магичен гол на Роналдо. Бевме многу блиску до победата и горди сме. Ако победевме ќе имавме поголеми шанси да се пласираме во осминафинале. Сепак, треба да бидеме горди бидејќи го надигравме Јунајтед во двата меча“, изјави Гасперини.