Изгледа ја дочека својата шанса: Икарди ќе ги добие своите „пет минути“

Со заминувањето на Томас Тухел, Мауро Икарди конечно ќе ги добие своите пет минути.

Оваа вест ја пласираа аргентинските медиуми кои тврдат дека доаѓањето на Покетино на „Паркот на принцовите“ е завршена работа. Тие нагласуваат дека ова ќе биде шанса за Икарди да ги сврти работите во своја корист.

Икарди беше во немилост на Томас Тухел кој сезонава почесто го користеше Моисе Кин, но треба да се истакне и дека Аргентинецот беше повреден.

Медиумите во Аргентина пишуваат дека Покетино сака да му пружи шанса на Икарди и дека тој сигурно ќе ги добие своите „пет минути“.

Ќе потсетиме, ПСЖ го откупи Икарди од Интер за 50 милиони евра, а до сега во Париз Аргентинецот одигра 39 натпревари, постигна 22 гола и подели четири асистенции.