Раководството на Манчестер Јунајтед ги замрзна сите планови за трансфер, се додека не се знае дали клубот ќе се натпреварува во групите на Лигата на шампионите во следната сезона.
„Црвените ѓаволи“ влегоа во лоша форма во најнеповолниот момент од сезоната, дозволувајќи две реми против Саутемптон и Вест Хем, како и пораз од Челзи за ФА Купот.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
Овие околности сериозно го доведоа во прашање евентуалното учество на тимот во Лигата на шампиони следната сезона. Манчестер е на 3-то место, со еднакви бодови како Челзи и само еден бод предност од 5-от Лестер. Интересно е што Јунајтед им гостува на „лисиците“ во последното коло од Премиер лигата во директен натпревар за место во Топ 4.
Оваа неизвесност за финансискиот приход на клубот, го натера раководството да престане со сите разговори за летни засилувања, барем до после средбата со Лестер.
Неуспехот на „црвените ѓаволи“ да ја исполнат целта ќе значи дека момчињата на Оле Гунар Солскјер ќе треба да се потпрат на освојување на Лига Европа на крајот на тековната сезона за да се пласираат во Лигата на шампионите.
Учество во игри на среќа е дозволено за лица со 18+ години. Играј одговорно!