Јувентус се вклучи во трката за новата германска ѕвезда

Италијанскиот шампион Јувентус е последниот клуб кој се вклучи во трката за потписот на германскиот талент Кај Хаверц, пренесуваат германските медиуми.

Новата ѕвезда на Баер Леверкузен веќе го привлече вниманието на англиските клубови, како и на Баерн Минхен.

Станува збор за еден од најголемите таленти во Европа, а раководството на „старата дама“ наводно стапило во контакт со неговите агенти и сака да ја победи конкуренцијата.

20-годишниот талент е продукт на школата на Баер Леверкузен и веќе две сезони блеска во Бундеслигата. Тој минатата сезона стана најмладиот играч кој запишал 50 настапин во Бундеслигата.

„Фармацевтите“ сигурно нема лесно да се откажат од него, а неговата цена секојдневно расте.