Ѕвездата на Арсенал се сели во Турција

Фудбалерот на Арсенал Мохамед Елнени добил понуда од Турција и по се изгледа, следната сезона ќе го носи дресот на Галатасарај.

До крајот на преодниот рок остана уште помалку од една недела, а турскиот шампион во Елнени гледа идеално засилување.

Тренерот на Арсенал, Унаи Емери му соопшти на Египќанецот дека може да замине, поранешниот играч на Базел не успеа да запише ниту една минута во новата сезона и јасно дека разделбата на двете страни е неминовна.

Уште неколку клубови од Турција покажаа интерес, меѓутоа Галатасарај беше најконкретен и испрати понуда.

Таткото на 27-годишниот играч потврди дека неговиот син бара соодветна понуда да го напушти Арсенал во наредниот период.

Галата му понуди 50 проценти помалку од она што го заработи во Арсенал, или 50 илјади неделно, но тоа не претставувало проблем и Елнени е спремен да ја прифати понудата.