Симеоне не се предава: Се уште ништо не е готово!

Реал го победи Атлетико 3:0, со головите на Кристиано Роналдо и зачекори во уште едно финале во Лигата на шампионите.

По мечот различни чувства на двете страни, Зидан задоволен од изданието на својот тим, а Симеоне разочаран со надеж дека сеуште не е се загубено за неговите фудбалери.

„Секогаш кога доаѓаат одлучувачките моменти Роналдо е тука. Постигна три гола, тој е единствен фудбалер. Сите заслуги се негови, јас немам ништо со тоа. Кристиано е голем професионалец, секогаш сака да победи“, изјави Зидан.

„Пред нас е уште еден натпревар. Многумина мислат дека сега е невозможно да минеме понатаму, но јас не размислувам на тој начин, можеме да се вратиме. Фудбалот е единствен спорт, може да понуди неверојатни работи и поради тоа се надеваме дека можеме да поминеме. Ќе се обидеме во реваншот, моите играчи знаат дека можат“, изјави по мечот Симеоне.