Меси: Само на еден играч му го имам побарано дресот!

Лионел Меси е играч до чии дрес се обидуваат да дојдат противничките фудбалери, а Аргентинецот во едно интервју откри дека тој само на еден фудбалер му го има побарано дресот.

Меси, еден од најдобрите во историјата на фудбалот, во кариерата, само еднаш побарал да замени дрес со противнички фудбалер.

„Никогаш не сум барал дрес од другите фудбалери. Само еднаш го имам направено тоа, му го побарав дресот на Зидан. Доколку на теренот игра некој Аргентинец тогаш го менувам дресот со него. Доколку нема Аргентинец, тогаш со оној кој ќе ме праша да ги смениме дресовите“, изјави Меси.