Конте: Јунајтед го има најдобриот тим во Англија!

Менаџерот на Челзи, Антонио Конте повторно бурно ја прослави победата над Манчестер Јунајтед, а во еден момент и вербално се судри со Жозе Мурињо.

Конте после натпреварот истакна дека е задоволен од пласманот во полуфинале и заклучи дека Манчестер Јунајтед го има најдобриот тим во Премиер лигата.

„Челзи покажа високо ниво на квалитет против исклучително силен противник, кој има фантастични фудбалери. Јунајтед го има најдобриот тим во Премиер лигата и затоа ние сме среќни што се пласиравме во полуфинале“, изјави Конте, а потоа го прокоментира црвениот картон на Ерера.

„Мислам дека Азар го почна натпреварот и не можеше да игра фудбал. Сите можат да ја видат ситуацијата и да пресудат. Кога сте играч со голем талент, понекогаш противниците се обидуваат со стартови да ве заплашат и судиите мора да ги заштитат ваквите фудбалери бидејќи можат да бидат сериозно повредени“, смета Италијанецот.