Нема промени: Во Баерн Минхен се знае кој е „газда“

Во Баерн нема да има ништо од најавените промени.

Баерн Минхен важи за еден од најстабилните клубови во светот. Во германскиот клуб секогаш се знаело кој што прави, дури и кога резултатите не им одат во прилог.

Нико Ковач имаше проблеми и сега изгледа како да се опоравува, но веќе Борусија Дортмунд направи солидна предност на табелата.

Многумина најавуваат промени во внатрешноста на клбуот, а сега е извесно дека нема да ги има бидејќи денес управниот одбор одлучи да му го продолжи мандатот на Ули Хенес кој уште четири години ќе биде претседател на Баерн.

Се шпекулираше дека Германецот може да го напушти гигантот од Минхен, а како најсериозен кандидат за негов наследник се споменуваше Оливер Кан, сепак тоа нема да се случи.

Барем не во наредните четири години.