Иниеста сигурен: ТОЈ е мојот наследник!

Плејмејкерот на Барселона и еден од најдобрите играчи за врска во светот, Андрес Иниеста за свој наследник го прогласи играчот на ПСЖ и италијански репрезентативец Марко Верати, пренесува „Марка“.

Во Шпанија веќе подолго време се полемизира кој би можел да биде наследник на славниот Иниеста, а „Марка“ открива интересни детали по тоа прашање.

Имено, 33-годишниот Шпанец за време на натпреварот во Париз при разговор со Блас Матуиди открил дека Верати го смета за свој легитимен наследник.

24-годишниот Италијанец дојде во ПСЖ во 2012 година од Пескара и од тогаш е неизоставен дел од тимот на „светците“.

Тој е трансфер мета на многу европски гиганти, но сепак францискиот клуб не сака да слушне за неговата продажба.