24. коло ПМФЛ – Најдобриот македонски судија ќе дели правда на Струга – Шкупи

Со натпреварот помеѓу Струга Трим Лум и Шкупи утре ќе биде отворено 24. коло во македонската прва лига. Денес се одредени и судиите за ова коло.

За натпреварот крај Охридското езеро е избран најдобриот македонски судија Александар Ставрев, Димитар Пилешков ќе дели правда во Тетово на дуелот Ренова – Работнички.

На „Железарница“ каде што ќе се сретнат Скопје и Шкендија главен на центарот ќе биде Стојан Трпчевски, Марјан Ацевски ќе „свири“ на Борец – Македонија Ѓорче Петров, Крумислав Георгиев е назначен за главен на натпреварот меѓу Тиквеш и Академија Пандев, додека Фуркан Идризи е избран за мечот Пелистер – Брегалница.

24. коло ПМФЛ:

Петок

Струга – Шкупи

Сабота

Борец – Македонија ЃП

Скопје – Шкендија

Пелистер – Брегалница

Ренова – Работнички

Тиквеш – Академија Пандев

Сите средби се играат со почеток од 15:00 часот.