Јувентус и Интер се „тепаат“ за бекот на Челзи

Италијанските гиганти, Интер и Јувентус се силно заинтересирани за левиот бек на Челзи, Емерсон Палмери.

Палмери не добива голема минутажа и Челзи е спремен да го продаде на лето за 20 милиони евра.

Палмери долго време е на радарот на Антонио Конте, кој на лето сака да ја засили левата бековска позиција.

Меѓутоа, Јувентус веќе стапил во контакт со неговиот агент и во Палмери гледа идеална замена за Алекс Сандро.

Офанзивниот бек не е дел од плановите на актуелниот менаџер на „сините“, Томас Тухел, и затоа ќе му биде дозволено да си замине од „Стемфорд Бриџ“ за време на летниот преоден рок.