Ѕвездата на Сити доби уште едно обвинение за силување

Францускиот дефанзивец на Манчестер Сити, Бенџамин Менди доби уште едно обвинение за силување, седмо по ред.

Менди денес се појави во судот во Честер каде на терет му се ставаат дури седум обвиненија за силување и една за сексуален напад, во врска со пет жени, пренесува Би-Би-Си.

Најновото обвинение е од нова жртва и наводно се случило во јуни оваа година. Претходните обвиненија се однесуваат на периодот помеѓу октомври 2020 и август оваа година.

27-годишниот француски фудбалер е во притвор од август, а судот одби три негови жалби за пуштање на слобода.

Обвиненијата кои му се ставаат на терет се сериозни, па доколку биде прогласен за виновен, го чека затворска казна.