Винисиус со емотивна порака до Менди: Твојот живот повеќе нема да биде ист

Ослободувањето од обвиненијата за сексуален напад и силување на Бенжаман Менди предизвика многу реакции кај фудбалските ѕвезди.

Емотивна порака и испрати и ѕвездата на Реал Мадрид, Винисиус, кој изрази жалење за целата ситуација во која се најде Менди изминатиот период.

„Многу ми е жал поради сето она што го помина. Изгуби две години од кариерата, но тоа е најмал пробел во овој момент. Што е со психолошката штета? Твојот живот сигурно нема да биде ист.  Културата на уништување на една репутација зема се поголем замав. До каде веќе ќе не обвинуваат и осудуваат без да имаме право на основна одбрана?“.

„Лажните вести кои се креираат без да се проверат претходно, мора да запрат. Тоа го почувствував и јас на своја кожа. Во денешно време нема пречки за собирање што повеќе кликови и реакции. Но моето основно прашање е што ќе се направи за да се спречи ваквата штета која ни се прави?“, истакна Винисиус.