Ѕвездата на Манчестер Јунајтед пред трансфер во Серија А

Ерик Баи оваа сезона го загуби местото во стартниот тим, се почесто ја грее клупата, па најверојатно ќе ја промени средината во зимскиот преоден рок.

Дефанзивецот е во немилост на Мурињо, кој воопшто не му дава шанса оваа сезона, па Баи е решен да си замине уште во јануари.

Најсилен интерес за неговиот потпис покажува Милан, но сега во трката за потписот се вклучи и Рома.

Двата клуба ќе се обидат да го донесат Баи на позајмица до крајот на сезоната, со можност за откуп следното лето.

Ако им се верува на англиските медиуми „црвените ѓаволи“ се спремни да го пуштат дефанзивецот, па трансферот би можел да биде договорен во следните две недели.