Ѓоковиќ после поразот: Страшно е чувството да се игра вака

Новак Ѓоковиќ загуби од Алехандро Табило со 3:6, 4:6 во второто коло и испадна од АТП Мастерс 1000 турнирот во Монте Карло.

Ова им беше втор меѓусебен натпревар и втора победа на Табило, откако славеше и минатата година (6:2, 6:3) на Мастерс во Рим.

По мечот, Ѓоковиќ изјави: „Се надевав дека ова нема да ми се случи, но постоеше голема веројатност дека ќе играм вака. Страшно. Страшно е чувството да се игра вака, им се извинувам на сите што мораа да го гледаат ова.“

Ѓоковиќ не можеше да го објасни причината за лошата игра: „Ми беше ужасно. Немав високи очекувања, знаев дека ќе играм против силен ривал и знаев дека веројатно ќе играм лошо, но вакво лошо… Не го очекував ова.“

Ѓоковиќ има 37 години и е еден од најдобрите тенисери во историјата. Toj e рекордер со 24 Гренд Слем титули пред Рафаел Надал со 22 и Роже Федерер со 20. Во 2025 година има сооднос од 12 победи и шест порази. Успесите на турнирите му донесоа повеќе од 180 милиони евра.

Табило е 27-годишен Чилеанец. Во кариерата освои два турнири, а највисок пласман на АТП листата му беше 19-то место. Оваа година има сооднос од три победи и девет порази. Од наградни фондови заработи околу 3.3 милиони евра.