Шкупи се засили со поранешен играч на Работнички

Tимот на Шкупи денес се засили со екс-косовскиот репрезентативец, Суад Сахити.

Во прашање е 28-годишно десно крило кој во минатото беше дел и од Работнички, но во минатото имаше можност и да ја почувствува младинската школа на француски Марсеј.

Со клубот од Чаир потпиша договор на една година со можност за продолжување на уште една.

Сениорската кариера ја започна во клубот од Дебар Маало за кој играше од 2014-та до 2017-та година. Покрај Работнички го носеше дресот уште на Секндербеу, АЕЛ, Септември Софија, Висла Плоцк, Зрињски, Шибеник и Лапи од каде што дојде во Чаир.