Шкртел по неполн месец ја напушта Аталанта

Авантурата на Мартин Шкртел во Аталанта завшри, пишуваат италијанските медиуми.

По неполни месец дена престој во Аталанта, Шкртел одлучи да го напушти клубот. Искусниот стопер кој своите најдобри денови во кариерата ги помина во Ливерпул потпиша пријателски прекин на договорот со членот од Серија А.

Шкртел во Аталанта пристигна како слободен играч, се очекуваше да биде големо засилување за клубот кој за прв пат ќе се натпреварува во Лигата на Шампоионите, но тоа нема да се случи. Овој 34-годишен играч потпиша едногодишен договор вреден милион евра кој очигледно нема да го изработи.

Долги години беше капитен на Словачка, но од националниот дрес се пензионираше на почетокот на оваа година. Неговата следна дестинација би требала да биде позната во следните денови.