Шешко по натпреварот не ја коментираше одлуката на судиите: „На мене е да го поправам тоа“

Во првиот натпревар од осминафиналето на Лигата на шампионите, Реал Мадрид како гостин го совлада РБ Лајпциг со 1:0 и има минимална, но многу вредна предност пред реваншот.

Сепак, се можеше да биде поинаку доколку голот на напаѓачот на германскиот тим, Бенјамин Шешко беше признаен во третата минута.

Голот беше поништен поради офсајд, а натпреварот го судеше најдобриот босански судијата Ирфан Пељто со помошниците Сенад Ибришимбеговиќ и Давор Беља.

Токму одлуката на ВАР собата да го поништи голот на словенечкиот напаѓач предизвика многу реакции во јавноста ширум Европа, па судењето на Пељто и неговиот помошник ќе биде главна тема во наредните денови.

Покрај поништениот гол, Шешко имаше уште една одлична можност, но голманот Лунин направи феноменална одбрана, па Словенецот не можеше да постигне гол против Реал.

Шешко на крајот од натпреварот даде коментар, а интересно e што не го прокоментира поништениот гол.

„Мораме да продолжиме да играме вака. Има уште реванш и мора подобро да ги искористиме укажаните можности“, изјави Шешко по натпреварот и додаде:

„Среќен сум што добивам можности, но морам да ја подобрам реализацијата, на мене е да ја подобрам и да ја направам подобра во следниот натпревар, верувам дека можеме да победиме во реваншот“.