Шампионот падна во Тетово: Шкендија до минимална победа

Во заостанатиот дерби натпревар од второто коло во Првата македонска фудбалска лига, денес Шкендија славеше минимална победа против актуелниот шампион Струга Трим Лум, 1:0.

Натпреварот во првото полувреме понуди динамична игра и на двете страни, изгледаше дека Шкендија е поблиску до водство. Стружани имаа свои шанси, но тетовскиот прволигаш беше многу поконкретен, а еднаш беше погодена и стативата од голот на Ќосевски.

На полувреме се замина со почетните 0:0. Веднаш на стартот од вториот дел Алмир Аганспахиќ дојде до предност од 1:0.

Струга не се откажуваше создаваше шанси и напаѓаше, меѓутоа мрежата на Шкендија не се тресеше.