Чудна изјава на Тевез пред епскиот реванш на „Бернабеу“

Напаѓачот на Бока Јуниорс даде навистина чудна изјава пред големиот реванш во финалето на Копа Либертадорес.

Најискусниот фудбалер на Бока Јуниорс, Карлос Тевез смета дека реваншот од ова финале требало да се игра на „Монументал“ и дека сега Ривер има помал притисок.

Поранешниот голгетер на Манчестер Јунајтед, Сити и Јувентус смета дека шансите во овој момент се 50:50.

„Ќе биде чудно во Мадрид. Сепак, како играч јас морам да бидам фокусиран на натпреварот. Среќен сум што се игра во Шпанија, а не во некоја друга земја од Европа, но истовремено и тажен што не е во Аргентина“.

„Ривер ќе имаше поголем притисок доколку натпреварот се играше на нивни терен, сега е 50:50. Искрено, мислам дека најправедно беше да се игра на стадионот на Ривер како и што беше планирано, но сега не можеме ништо да направиме“, изјави Тевез.