Хумелс: Фудбалерите како Манџукиќ носат титули (ВИДЕО)

Стоперот на Баерн, Матс Хумелс на прес конференцијата во пресрет на осминафиналниот меч во Лигата на шампионите против Бешикташ, се присети на тимот на Баерн од 2013. година.

Хумелс тогаш играше за Борусија која го загуби финалето од Баерн. Баварците тогаш поведоа преку Манџукиќ, Гундоган изедначи од пенал, а титула на Баварците им донесе Арјен Робен во 89. минута. Германските новинари го прашаа да го спореди тимот на Хајнкес денес.

„Тој Баерн се бореше до крај. Баш неодамна зборувавме за Манџукиќ и за тоа колку тој се трудеше на тој меч. Мислам дека поради тоа тој тим беше толку добар, а тој истото го прави денес во Јувентус. Таков уигран состав во комбинација со индивидуалните квалитети носи титули“, истакна Хумелс.

Манџукиќ во Баерн беше до 2014. година кога замина во Атлетико. Откако една сезона подоцна се пресели во Јувентус.