Хрватска неочекувано киксна против Австрија. Што ѝ треба сега за пласман понатаму?

Хрватската ракометна репрезентација по величествената победа од 39:29 против Шпанија во првото коло на Европското првенство направи негативно изненадување играјќи само 28:28 со селекцијата на Австрија.

Тоа не беше ниту сенка на тимот кој пред два дена го растури европскиот вицешампион. По воведните 5:1, Хрватска застана и практично до крајот се играше гол за гол.

Хрватска можеше да победи, имаше играч повеќе во последните 15 секунди, но Циндриќ го промаши шутот за победа.

Што ѝ треба на Хрватска сега? Потребна им е победа против слабата Романија во третото коло во вторник, а доколку Шпанија ги победи Австријците, овој одземен бод нема да биде проблем.

Хрватска тогаш би отишла во вториот круг со два бода како прва, а Шпанија без бодови како втора. Но, проблемот ќе биде ако Австријците ја изненадат Фуријата и и земат бод или ја победат. Потоа Хрватска и Австрија би оделе понатаму со по еден освоен бод.