Хрватска и го нанесе најтешкиот пораз во историјата на Шпанија

Хрватската ракометна репрезентација имаше брилијантен старт на настапот на Европското првенство во Германија, совладувајќи ја селекцијата на Шпанија со 39:29 во САП Арената во Манхајм.

Хрватска по четврти пат во историјата го отвори Европското првенство против Шпанија.

Во претходните три наврати двете репрезентации остварија по една победа, а еден натпревар заврши нерешено.

Носени од гласната поддршка од околу осум илјади хрватски навивачи во САП Арената во Манхајм, избраниците на Горан Перковац одиграа спектакуларен натпревар.

Тоа е најтешкиот пораз на Шпанија на едно големо натпреварување од Светското првенство во Хрватска во 2009 година. И тогаш Хрватска победи против Шпанците со 10 поени разлика (32:22).

Поразот од Манхајм е најтежок досега за Шпанците на европските првенства. Досегашниот рекорд е осум разлика од Франција во 1996 и 2006 година. Шпанците, актуелни европски вицешампиони, до мечот со Хрватска никогаш немаа примено повеќе од 36 гола. Тие сега примија 39 …

Хрватска е на врвот во групата Б, а во недела ќе бара нова победа против репрезентацијата на Австрија.