Хероите од Бергамо: Аталанта играчите ги плаќа колку и англиски второлигаш кој се бори за опстанок!

 Сезонава Европа има нови фудбалски херои, Аталанта игра фантастично и е блиску да се избори за четвртфинале во Лигата на шампионите.

Аталанта сезонава дебитираше во Лигата на шампионите и во дебитантскиот настап се избори за место во осминафиналето, а таму во првиот натпревар одиграа одличен натпревар и ја победија Валенсија со 4:1.

Во својата историја Аталанта има еден поважен трофеј, а тоа е Купот на Италија во далечната 1963 година. Сезонава немаат ниту една ѕвезда која посебно се истакнува, буквално изгледаат како една фантастична целина која со тимска игра и сплотеност прави нешто неверојатно. Дека е навистина покажува што оваа сезона во Лигата на шампионите Аталанта има девет различни стрелци.

Кога ќе се споредат платите Аталанта е на дури 13. место во Серија А. Меѓутоа најневеројатно изгледа споредбата со англиски Ридинг. Ридинг е тим кој е на 15. место во втората англиска лига и го чека борба за опстанок во Чемпионшип и за плати овој тим издвојува исто колку и Аталанта (36 милиони евра) која е пред четвртфинале во најелитното европско натпреварување.