Халанд за 75 милиони евра може да се пресели во Премиер лигата?

Норвешкиот репрезентативец Ерлинг Халанд е на метана голем број клубови ширум Европа и на Борусија сигурно нема да и биде лесно да го задржи.

Халанд претходниот зимски преоден рок пристигна во Борусија и една година подоцна се пишува за негово можно заминување. Во последно време се зборува за Челзи, се пишуваше дека Норвежанецот ќе биде мета на Челзи за летото, но сега пристигнува поинакви информации.

На Островот се пишува дека Роман Абрамович ќе испрати понуда од 75 милиони евра на адреса на „милионерите“.

Оливие Жиру веројатно ќе го напушти клубот во текот на јанаури, па затоа Челзи ќе побара засилување во нападот, Халанд е една од најголемите желби на Лампард.

Сепак, до потписот на Халанд ќе биде тешко да се дојде затоа што со неговото име се поврзуваа: Реал, Барселона, Милан, Јувентус, ПСЖ…