Раководството на Ливерпул ја одбило понудата на Манчестер Сити за холандското крило Коди Гакпо. Ова го открива новинарот Дејвид Орнстин, според кого понудата била вредна 80 милиони фунти – 75 фиксирани и пет милиони во форма на бонуси.
Според Фабрицио Романо, одбиената понуда изнесувала 85 милиони фунти. Ова ги потврдува информациите од претходно денеска дека Ливерпул ќе го задржи Гакпо, иако веќе официјално го објавија големиот трансфер на Брадли Баркола. Манчестер Сити пак, ќе ги концентрира сите свои напори за привлекување на Енцо Фернандес од Челзи и евентуално Илиман Ндиај од Евертон, кој беше многу блиску до трансфер во Тотенхем, но “граѓаните” ќе се обидат да го привлечат.
Гакпо ја прифатил понудата на Манчестер Сити, но се тврди дека нема да му пречи да остане во Ливерпул, откако клубот му објаснил дека му е потребен.
Од Ливерпул сакале да привлечат уште едно десно крило и испратиле понуди за Јанкуба Минте и Исмаила Сар, но нивните клубови им поставиле многу високи цени. Брајтон го оценил играчот од Гамбија на 80 милиони фунти, а Кристал Палас побарал 75 милиони за играчот од Сенегал. Така на “Енфилд” одлучиле да го задржат Гакпо, а останува да видиме дали тој ќе биде искористен од Андони Ираола на десната страна, како што беше во натпреварот со Нотингем Форест. Можно е и двајцата со Баркола да ги менуваат позициите во текот на натпреварите, ако бидат стартери. По правило, двајцата преферираат да играат на левата страна, како што важи и за Виктор Муњос и Рио Нгумоа.
Учество во игри на среќа е дозволено за лица со 18+ години. Играј одговорно!