Денес на стадионот во Ѓорче Петров се одигра финалето во женскиот фудбалски Куп на Македонија кое заврши со убедлива победа на Љуботен против Каменицца Саса со 4:0.
Актуелните фудбалски шампионки на Македонија и лидери во првенството за првпат во својата историја дојдоа до титулата во Купот на Македонија.
Традицијата продолжува, се трансформира - Pinko Crafts ↓↓↓
До победата тетовскиот тим дојде предводен од Бразилките во своите редови. Се започна со голот на Делгадо по 18 минути игра, а Гоја две минути подоцна ја зголеми предноста. За убедливи 3:0 се погрижи Едите Силва со голот во 51-та минута.
Конечните 4:0 ги постави Бојана Петкова по асистенцијата од Силва. Љуботен е блиску до титулата во првенството каде што имаат бод предност пред последните две кола во кои играат против Шкендија и Каменица Саса.
Учество во игри на среќа е дозволено за лица со 18+ години. Играј одговорно!