Финале во Лигата на шампионите во – Њујорк!?

Според последните информации Европската куќа на фудбалот размислува за интересен предлог кога во прашање е финалето во Лигата на шампионите.

Имено наскоро би можеле да гледаме едно финале во најелитното европско натпреварување надвор од Европа и тоа во – Њујорк!

Сепак, тука веднаш се поставува прашањето како би реагирале навивачите кои би требало да патуваат во Њујорк, Мајами или пак Доха.

На оваа тема пишуваше и познатиот англиски весник „Њујорк тајмс“.

Оваа година во Киев се појави веќе вообичаениот проблем со цените за сместување и превоз кои драстично се зголемуваат за деновите кога финалниот натпревар треба да биде одигран.

Како што се наведува, УЕФА веќе започнала да превзема мерки и да ги отстранува градовите кои нема да бидат достојни да организираат едно финале во најелитното европско натпреварување.

Финале на Далечниот Исток или пак во САД би можело да биде проблем, но со оглед на тоа што во последно време прават хотелите во градовите домаќини и енормното зголемување на цените, Њујорк или пак Доха би претставувале можеби и подобра опција.

Сепак засега ова е само во рамките на идеја и е далеку од реализација.