Филип Кузмановски се сели во Хановер?

Еминентниот германски весник „Билд“ пренесува дека нашиот репрезентативец Филип Кузмановски е голема желба на Хановер.

Хановер е во потрага по играч кој би го заменил данскиот ветеран Мартин Олсен, кој по завршувањето на сезоната се враќа во татковината и ќе го облече дресот на Гудме.

Првите два пика Миха Зарабец од Кил и Сташ Скубе од Вардар ја одбиле можноста да го носат дресот на овој клуб. Поради тоа Кузмановски останува најреална опција, бидејќи нема голема минутажа во Магдебург и клубот е спремен да го пушти.

Филип Кузмановски во Бундеслигата пристигна минатото лето од Еурофарм Работник.