Филипче: Започнуваат индивидуалните спортови, од следната недела колективни тренинзи

Министерот за здравство, Венко Филипче на денешната пресконференција зборуваше за враќање на нормала на спортот во Македонија.

Филипче потврди дека од оваа недела ќе започнат спортски тренинзи на отворено, за индивидуано тренирање, како и враќање на индивидуалните спортови како тенис.

Од следната недела ќе бидат дозволени и колективните тренинзи на тимските спортови, секако со прецизно изработен протокол.

Предлогот е донесен од страна на комисијата за заштита од заразни болести, врз основа на повеќе параметри кои го овозможуваат таквиот чекор.