Фиго му прости на Роналдо за коментарот за неговата сопруга

Луис Фиго јавно му прости на својот поранешен соиграч Роналдо за коментар на сметка на неговата сопруга.

Португалецот со Роналдо ја делеше соблекувалната и освои многу трофеи, но едно време нивниот однос не беше баш најдобар и тоа поради сопругата на Фиго, Хелен Сведин.

Имено, кога Перез го советувал Роналдо помалку да излегува и да земе пример од Фиго, Роналдо му одговорил дека и тој не би излегувал да има жена како Хелен. Тоа Фиго не го прифатил најдобро.

Настанала расправа во соблекувалната, но Фиго сега јавно му прости на Роналдо.

„Во тој момент не ми беше пријатно. Од тогаш помина многу време, знам дека Роналдо не мислеше ништо лошо, беше тоа шега. Кој знае можеби и сум излегувал кога жената ќе заспиеше“, изјави Фиго со насмевка.

Во младоста Фиго беше многу љубоморен кога во прашање е неговата сопруга. Токму на негово инсистирање таа престана да се занимава со манекенство.