Фабрегас веќе му кажа ДА на Милан, постои само една пречка!

Италијанските медиуми пренесуваат дека Фабрегас е се поблиску до Милан во јануарскиот преоден рок.

Милан сака да го засили средниот ред во зимскиот преоден рок, а прв избор е ѕвездата на Челзи, Цеск Фабрегас.

Спортскиот директор, Леонардо веќе подолго време е во преговори со неговиот агент, а последните информации се дека Фабрегас му кажал ДА на „росонерите“ и ги одбил сите останати понуди.

Шпанецот јавно изјави дека не е задоволен од својот статус во тимот и сака Челзи да го пушти шест месеци пред истекот на договорот.

Единствена пречка за реализација на трансферот во моментов е тренерот Маурицио Сари, кој бара да му се донесе замена за Фабрегас во средниот ред.

„Калчомеркато“ пренесува дека следните две недели ќе бидат клучни во реализација на трансферот, но Фабрегас веќе ја избрал следната дестинација, а тоа е Милан.