Местењето натпревари во последните 10 години зема голем замав во Европа, фудбалот од поодамна не е целосно чист, а УЕФА со помош на полициските служби низ Европа често спроведува истраги околу сомнителните натпревари.
Така, обвинителството во португалскиот град Есторил започна постапка по повод клубот од овој град и екипата на Порто.
Диск голф го освојува светот, а го нема во Македонија!? ↓↓↓
Натпреварот помеѓу Есторил и Порто се одигра во два термини. Првото полувреме беше одиграно на 16 јануари и домаќините водеа со 1:0, за потоа поради наводни пукотници на трибините натпреварот да биде прекинат и второто полувреме да се одигра на 21 февруари.
Порто на крајот славеше со 1:3, а обвинителството одлучи да го истражи натпреварот поради сомнителната уплата од 730.000 евра на сметката на Есторил непосредно пред натпреварот.
Обвинителството има докази дека претставниците на двата клуба се сретнале во еден хотел во Лисабон и дека веројатно се работи за наместен натпревар, па одлучија да започнат истрага која наскоро треба да го добие својот епилог.
Доколку се докаже дека се работи за наместене натпревар и двата клуба сигурно би добиле огромни казни.
Учество во игри на среќа е дозволено за лица со 18+ години. Играј одговорно!