Пишува: Стефан Даскалов
Вчерашното финале во Ракометниот Куп на Македонија помина одлично и без никакви инциденти се до моментот кога по завршувањето на мечот го видовме најсрамниот инцидент на спортските терени кај нас во последните години.
Пред дербито, падна најважниот потпис во Манчестер Сити! ↓↓↓
Сме биле сведоци на тепачки и пресметки помеѓу навивачи, секако никако ниту тие не се за оправдување, но вчера бевме сведоци како униформирано лица го удира ракометарот на Вардар и репрезентативец на Македонија, Филип Талески.
Невеорјатно, шокантно, но и жално за македонскиот спорт изгледаше таа сцена. Не боли толку ударот, боли ударот на спортот во нашата држава кој и онака и пред овој инцидент не е на некое завидно ниво.
За сцената од македонските терени известуваа и новинари од регионот кои со чудење пренесуваа за тој момент, веројатно и тие требаше повеќе пати да го погледнат видеото за да се уверат дека тоа е навистина тоа што го гледаат…
Постојат шпекулации за тоа зошто полицаецот реагирал на таков начин и некакво неспортско однесување на Талески, меѓутоа што и да се случило полицаец дојден да обезбедува спортски натпревар НЕ СМЕЕ, едноставно НЕ СМЕЕ НИКАКО да си дозволи така да реагира.
Санкција и казна кон полицаецот се уште нема, јавноста која очекувано е на страна на Талески бара најостро да се санкционира претставникот на безбедносните сили. Доблесно било барем од негова страна јавно да се извини, иако тоа не би ја намалило премногу големината и срамот за овој инцидент.
УДАРОТ КОН ТАЛЕСКИ Е И УДАР НА СПОРТОТ!
After the match Filip Taleski was hit with a baton by a police officer! pic.twitter.com/UF7ZBrKuSu
— Rasmus Boysen (@RasmusBoysen92) May 13, 2023
Учество во игри на среќа е дозволено за лица со 18+ години. Играј одговорно!